بحرالسكات بقلم الشاعر/الشربينى محمودالرفاعى

((٠٠بحرالسكات٠٠))

واتقابلنا....ياحبيبتى
وكان لقانا...عمرتانى
عشت فيكى....وعشت بيكى
احلى أيامى......وزمانى....
وانخدعت....بنور عنيكى
واشتريت العمر....ليكى
شيلت قلبى...وجيت
ادور عن عيونك
واتقابلنا...ف ثانيه
اطول....م ...الساعات
والتقيتنى ...تهت
ف بحر...أمواجه سكات
كنتى هيه....كنتى انتى
انتى....نفس الصوره
لكن ...لونها باهت
صوتها.....صامت
ضحكها....بلون الاهات
والتقيتنى...بنكسر
جوه...السكات
باجرى......جوايا
واحطم....كل معنى
عشته فى لحظة امل
خدت شكى..وجيت لعندك
نفسى اسمع....اى كلمه
اوالاقى...جوه بحر عنيكى
معنى....أفهمه
اشتريكى بعمرى كله
بس ترجع الالوان لصورتك
ترجع الانغام لصمتك
ترجع الاحلام تجينى
واشتريكى واشترينى
من سنين ..ًالاغتراب
واشترى قلبى وعمرى
من متاهات العذاب
ياحبيبتى
كنتى ليا
زى صورتى فى المرايه
كنت القى ف ابتسامتك
لون ملامحى
كنت احس ف لمس ايدك
دق قلبى
وشوق جوارحى
لما اشوفك
كنت اشوف
الكون بحاله
كنت بعشق
فى ملامحك
لون جماله
والنهرده ياحبيبتى
لقيت ملامحك
حاجه تانيه
كل حاجه تضيع ف ثانيه؟
يا حبيبتى
يللى كنتى ف يوم حبيبتى
افهمينى
حاولى مره تفهمينى
بالقلم الاحمر
شطبتك من سنينى
٠٠٠٠٠٠٠٠٠٠٠٠٠٠٠٠٠٠٠٠\
 بقلم الشاعر/الشربينى محمودالرفاعى